Toshkentda Lexus yo‘l chetida turgan mashina va fuqaroni urib yubordi
Toshkent tumanida 2005 yilda tug‘ilgan haydovchi Toyota Lexus'ni boshqarib ketayotgan vaqtida rul boshqaruvini yo‘qotib, yo‘l chetidagi harakatsiz turgan Nexia va ushbu avtomobil yonida turgan fuqaroni urib yuborgan.

Foto: Toshkent viloyati IIBB
Joriy yilning 4 mart kuni soat taxminan 12:40 larda Toshkent viloyati Toshkent tumani hududidan o‘tgan M39 “Olmaota — Bishkek — Toshkent — Shahrisabz — Termiz” avtomobil yo‘lining 812-kmda yo‘l-transport hodisasi yuz berdi.
Haydovchi, 2005 yilda tug‘ilgan A.S Toyota Lexus rusumli transport vositasini boshqarib ketayotgan vaqtida rul boshqaruvini yo‘qotib, yo‘l chetidagi harakatsiz turgan Nexia rusumli transport vositasini va ushbu avtomobil yonida turgan piyoda, 1960 yilda tug‘ilgan fuqaro Sh.Sh.ni urib yuborib, yo‘l-transport hodisasi sodir etgan.
Ushbu yo‘l-transport hodisasi natijasida piyoda turli xildagi tan jarohatlari olib, tuman markaziy shifoxonasiga yotkizilgan.
Hozirda holat yuzasidan Toshkent tumani IIB Tergov bo‘limi tomonidan Jinoyat kodeksining 266-moddasi 1-qismiga ko‘ra jinoyat ishi qo‘zg‘atilgan bo‘lib, tergov harakatlari olib borilmoqda.
Mavzuga oid

21:22 / 17.03.2025
Magic City'ning egasi yana o‘zgaradi

12:20 / 17.03.2025
Yuzlab insonlarni chuv tushirgan avtolizingchilarga hukm o‘qildi

10:01 / 17.03.2025
2024 yil xalqaro reytingda Toshkent havo iflosligi bo‘yicha 19-o‘rinni egalladi

09:57 / 17.03.2025