Peruda pul o‘g‘irlagan maymun politsiya tomonidan qo‘lga olindi
Maymun pullarni tomlar, daraxtlar va hatto elektr simlariga sochib tashlagan.

Foto: AP
Peruda politsiya bir nechta uyga zarar yetkazgan g‘ayrioddiy qoidabuzarni qo‘lga oldi. Xodimlar tartibsizlik qilib, pul o‘g‘irlagan qochqin maymunni ushladi. Bu haqda Peru o‘rmon xo‘jaligi va yovvoyi tabiat milliy xizmati xabar berdi.
Ika shahri aholisi politsiyaga murojaat qilib, tomlar, daraxtlar va hatto elektr simlarida sochilib yotgan pullarni ko‘rganini xabar qilishgan. Keyin ma’lum bo‘lishicha, o‘g‘rilik va tartibsizliklarni egasidan qochib ketgan uy maymuni sodir etgan.
Gumonlanuvchi maymun (qora boshli erkak kaputsin) bir nechta uyga kirib, xonalarni ostin-ustun qilgan. Oxir-oqibat “jinoyatchi” qo‘lga olinib, daraxtdan tushirildi.
Voqeani o‘rganish davomida rasmiylar jonivor mahalliy emasligini, balki Amazoniya hududlarida keng tarqalgan turga mansubligini aniqladi. Maymunning belidagi arqon izlari uning uyda boqilganidan dalolat berardi.
Rasmiylarning aytishicha, hayvon haddan tashqari qo‘lga o‘rganib qolgani tufayli politsiya uni yovvoyi tabiatga qo‘yib yuborishga jur’at etmagan. Hozirda maymun Ika shahridagi mahalliy hayvonot bog‘ida saqlanmoqda. Jonivor u yerda qoladimi yoki boshqa qo‘riqxonaga ko‘chiriladimi, hozircha noma’lum.
Mavzuga oid

17:23 / 11.03.2025
AQShda 40 yil oldin qamoqdan qochgan jinoyatchi ushlandi

15:39 / 11.03.2025
Iste’fodagi politsiya iti o‘rmonda yo‘qolgan qariyaning hayotini saqlab qoldi

12:38 / 11.03.2025
RBK: Rossiyada politsiya uchun smartfonlarni buzib kirish qiyinlashdi

13:58 / 07.03.2025