Germaniyada Qrimga turbina yuborgan Siemens menejerlari sud qilinadi
Aniqlanishicha, Siemensʼning elektr energiya ishlab chiqarishda foydalaniladigan turbinalari 2017 yilda Rossiya yarimorolda qurayotgan ikkita elektr stansiyasiga yetkazib berilgan.

Foto: dm.energy
Hamburg okrug sudi Siemens sanoat konsernining sobiq ikki rahbariga nisbatan jinoiy ta’qibni boshladi. Ular sanksiya rejimini buzgan holda Qrimga gaz turbinalarini eksport qilishga ko‘maklashishda ayblanmoqda, deb yozadi Reuters.
Sanksiyalarning buzilishiga oid ish 2024 yil bahorda qo‘zg‘atilgan — Hamburg prokuraturasi to‘rt nafar Germaniya fuqarosi va bir nafar Fransiya—Shveytsariya fuqaroligiga ega shaxsga nisbatan ayblov e’lon qilgan. Ammo keyinroq okrug sudi ta’qib uchun asos yetarli emasligi bois uch nafar figurantga qarshi tergovni to‘xtatgan. Sudda mazkur ish bo‘yicha ayblanayotganlar ismi oshkor etilmagan.
Siemens vakillari kompaniya ushbu sud jarayoniga izoh bera olmasligini, biroq ish konsernga qaratilmagani, ayblanuvchilar hozirda u yerda ishlamayotganini ma’lum qildi. Konsernning turbina biznesiga egalik qiluvchi Siemens Energy ham ayblanayotgan ikki xodim endilikda kompaniya ishchisi emasligi bois, holatga izoh berishdan bosh tortdi.
Yevroittifoq va AQSh sanksiyalariga ko‘ra, g‘arb kompaniyalarining Rossiya tomonidan 2014 yilda anneksiya qilingan Qrimga energiya yoki energiya uskunalarini yetkazib berish taqiqlangan. Ammo cheklovlarga qaramay, Siemensʼning elektr energiyasini ishlab chiqarishda foydalaniladigan turbinalari 2017 yilda Rossiya yarimorolda qurayotgan ikkita elektr stansiyasiga yetkazib berilgan. O‘shanda Siemens turbinalarni rossiyalik buyurtmachiga sotganini, ular Rossiyadagi stansiyalarga o‘rnatilishi kerak bo‘lgani va uskunalar Qrimga yuborilishini bilmaganini ma’lum qilgan.
2022 yil fevralda Rossiya Ukrainaga qarshi urush boshlaganidan keyin g‘arb davlatlari RFga keng ko‘lamli sanksiyalarni joriy etdi. Xususan, harbiy, aviatsiya, neft va gaz hamda boshqa sohalar uchun mo‘ljallangan texnologiya va uskunalarni Rossiyaga yetkazib berish taqiqlangan. Ammo Rossiya ushbu cheklovlarni chetlab o‘tishning yo‘llarini topmoqda. Masalan, 2024 yil iyulda mamlakatga g‘arbda ishlab chiqarilgan yuz minglab yarimo‘tkazgichlar olib kelinayotgani ma’lum bo‘lgandi.
Tavsiya etamiz
Hindiston va Pokiston: kimning armiyasi kuchliroq?
Jahon | 19:21 / 09.05.2025
Mafkuralar kurashi: 9 may aslida qanday kun?
O‘zbekiston | 14:22 / 09.05.2025
Qatiq, murabbo va yadro quroli. Putin yangi filmda nimalar dedi?
Jahon | 21:59 / 06.05.2025
Avtomobil importiga ekosertifikat – utilizatsiyaga qo‘shimcha “bonus”mi?
O‘zbekiston | 20:34 / 06.05.2025
So‘nggi yangiliklar
-
Putin Ukrainaga to‘g‘ridan to‘g‘ri muzokaralarni tiklashni taklif qildi
Jahon | 07:45
-
Kashmirda sulh e’lon qilinganidan keyin portlashlar sodir bo‘ldi
Jahon | 23:37 / 10.05.2025
-
AQShda ona va o‘g‘il bir vaqtda universitetni tamomladi
Jahon | 23:18 / 10.05.2025
-
Ukraina muzokaraga tayyorligini aytdi, Rossiya o‘ylab ko‘rishini ma’lum qildi
Jahon | 22:28 / 10.05.2025
Mavzuga oid

16:21 / 28.04.2025
Zelenskiydan mamnun, Rossiya zarbalaridan hafsalasi pir bo‘lgan. Trampning oxirgi bayonotlaridan asosiy gaplar

19:46 / 25.04.2025
Tramp: Qrim Rossiya bilan qoladi va Zelenskiy buni biladi

22:32 / 23.04.2025
Tramp: hech kim Zelenskiydan Qrimni Rossiya hududi deb tan olishni so‘ramayapti

21:29 / 23.04.2025