Iqlim o‘zgarishi milliy markaziga direktor tayinlandi

Sattarov Farrux Qo‘chqor o‘g‘li Ekologiya, atrof-muhitni muhofaza qilish va iqlim o‘zgarishi vazirining tegishli buyrug‘i bilan vazirlik huzuridagi Iqlim o‘zgarishi milliy markazi direktori lavozimiga tayinlandi.

Ma’lumot uchun, Farrux Sattarov 1986 yil 28 iyulda Jizzax viloyati Jizzax shahrida tug‘ilgan. 2007 yilda Toshkent davlat texnika universiteti (bakalavr), 2023 yilda esa Tadbirkorlik va biznes oliy maktabini (magistr) tamomlagan. 

Farrux Sattarov tayinlovga qadar Ekologiya, atrof-muhitni muhofaza qilish va iqlim o‘zgarishi vazirligining «Ekologik siyosat» departamenti boshlig‘i lavozimida faoliyat yuritgan. Shuningdek, O‘zbekiston Respublikasi Savdo-sanoat palatasi, Ekologiya va atrof-muhitni muhofaza qilish davlat qo‘mitasi, «O‘zstandart» agentligi va boshqa tashkilotlarda turli lavozimlarda ishlagan.