Farg‘onada o‘g‘irlikka tushgan yigit onani bolalari ko‘z o‘ngida o‘ldirdi
U onlayn qimor o‘yinlariga berilib qolgan va qarzlarini yopish uchun jinoyatga qo‘l urgani aytilmoqda.

Foto: Videodan kadr \ Ruxsor Tv
Farg‘ona shahrida yashovchi yigit shaharning Beshbola mahallasida yashovchi, uch nafar voyaga yetmagan bolalarning onasi bo‘lgan ayolni o‘ldirdi. Bu haqda IIV axborot xizmati xabar bermoqda.
Sud hujjatlaridan ma’lum bo‘lishicha, onlayn qimorga berilib qolgan 29 yoshli yigit qarzga botadi. So‘ng u Farg‘ona shahridagi o‘zi yashaydigan mahallaga qo‘shni bo‘lgan Beshbola mahallasidagi xonadonga o‘g‘irlikka tushadi.
U avvaliga bo‘sh xonalarga kirib pul qidiradi. Hech narsa topa olmagach xonadon sohibasi 3 nafar farzandi bilan uxlab yotgan xona eshigi oldiga keladi.
Shu paytda ayol tasodifan tashqariga chiqadi va o‘g‘riga ko‘zi tushadi. Eshigi oldida yuziga niqob taqqan begona yigitni ko‘rgan ayol baqiradi va shunda uning bolalari ham uyg‘onishadi.
Ayol xona ichiga kirib eshikni ichkaridan yopishga urinadi. Shunda yigit xonaga kirib uch nafar bolaning ko‘z o‘ngida ayolga pichoq uradi va voqea joyidan qochib ketadi. Og‘ir tan jarohati olgan ayol vafot etadi. Tezkor qidiruv harakatlari natijasida tez orada yigit ushlanadi.
“Ruxsor TV” telekanalida berilgan lavhada aytilishicha, Jinoyat ishlari bo‘yicha Farg‘ona shahar sudida o‘tkazilgan sud majlisida yigit Jinoyat kodeksining 97-moddasi 2-qismi “j” bandi va 164-moddasi 2-qismi “v” bandi bilan aybdor deb topilgan. Unga 17 yil qamoq jazosi berilgan.
Tavsiya etamiz
Qatiq, murabbo va yadro quroli. Putin yangi filmda nimalar dedi?
Jahon | 21:59 / 06.05.2025
Avtomobil importiga ekosertifikat – utilizatsiyaga qo‘shimcha “bonus”mi?
O‘zbekiston | 20:34 / 06.05.2025
Isroil Suriyani bombaladi. Turkiya nega sukutda?
Jahon | 12:44 / 06.05.2025
May oyida vodiyda me’yorga yaqin harorat kutiladi, mamlakatning katta qismida oy xuddi iyun kabi o‘tadi
O‘zbekiston | 11:17 / 06.05.2025
So‘nggi yangiliklar
Mavzuga oid

13:36 / 03.05.2025
Farg‘ona va Urumchi o‘rtasida to‘g‘ridan to‘g‘ri aviaqatnovlar yo‘lga qo‘yilyapti

17:21 / 28.04.2025
“Chuqurlarga to‘la ko‘cha” – Farg‘ona shahri markazidagi abgor yo‘l qachon ta’mirlanadi?

12:15 / 28.04.2025
Farg‘onada 1 maydan ichimlik va oqova suv xizmatlari narxi oshadi

19:52 / 24.04.2025