Hindistonning Uttar-Pradesh shtatida Kumbh Mela diniy festivali vaqtida yuz bergan tiqilinchda kamida 30 kishi halok bo‘ldi. Hindiston shimolidagi Prayagraj shahrida chorshanba kuni dunyodagi eng yirik ziyorat festivaliga tashrif buyurgan yana 60 nafar mehmon jarohat oldi.

Fojia yuz berganida festivalda millionlab odamlar bo‘lgan. Rasmiylarga ko‘ra, ko‘plab ziyoratchilar o‘tirgan va Gang daryosida cho‘milishga o‘z navbatini kutishgan, to‘satdan tartibsizlik va tiqilinch boshlangan. Olomon daryo qirg‘og‘i tomon yo‘l olgan, odamlar qoqilib yiqilgan. Fojiaga qaramay, festival davom etdi.

Festivalda 80-100 million kishi qolmoqda

Jabrlanganlar shifoxonalarga yetkazilgan. Halokat sodir bo‘lgan joydagi vaziyat uzoq vaqt davomida noaniq bo‘lib qoldi va rasmiylarga qurbonlar soni haqida dastlabki ma’lumot berish uchun 16 soat vaqt kerak bo‘ldi. Bir necha soatdan keyin shtat rasmiylari vaziyat nazorat ostida ekanini bildirdi. Biroq, festivalga tashrif buyuruvchilar soni hali ham juda ko‘p, Prayagrajga 80-100 million ziyoratchi tashrif buyurgan.

Hindistondagi Gang va Yamuna daryolarining qo‘shilish joyidagi hind festivali har 12 yilda bir marta o‘tkaziladi va millionlab odamlarni o‘ziga jalb qiladi, ko‘pincha shu kabi fojialarga olib keladigan tiqilinch vaziyatlarni yaratadi. Hind e’tiqodiga ko‘ra, marosimdagi cho‘milish gunohlardan poklanish, o‘lim va qayta tug‘ilish siklidan xalos bo‘lishni ta’minlaydi.

13 yanvar kuni boshlangan festival boshidan buyon 110 000 kishi qatnashdi va festivalning 45 kuni davomida tashrif buyuruvchilarning umumiy soni 450 millionni tashkil etishi kutilmoqda. Festival 40 kvadrat kilometr maydonda o‘tkaziladi, xavfsizlikni 40 mingga yaqin politsiyachi ta’minlaydi.