2024 yilda jinoyat sodir etgan mansabdor shaxslarning soni keskin oshgan. Bu haqda Bosh prokuratura xabar bermoqda.

2024 yilda mansabdor shaxslarga nisbatan 3 821 ta jinoyat ishi qo‘zg‘atilgan. Ularda 4 906 nafar mansabdor shaxs javobgarlikka tortilgan.

2023 yilda mansabdor shaxslarga nisbatan 3 412 ta jinoyat ishi qo‘zg‘atilgan. Ularda 3 575 nafar mansabdor shaxs javobgarlikka tortilgan.

O‘tgan yilda javobgarlikka tortilgan mansabdor shaxslarning mavqeyi quyidagicha bo‘lgan:

Respublika miqyosidagi xodimlar – 71 nafar;

Viloyat miqyosidagi xodimlar – 410 nafar;

Tuman (shahar) miqyosidagi xodimlar – 4 425 nafar.

2023 yilda jinoyat sodir etgan respublika miqyosidagi xodimlar soni 49 nafar, viloyat miqyosidagi xodimlar 267 nafar, tuman (shahar) miqyosidagi xodimlar 3 259 nafar bo‘lgan.

Javobgarlikka tortilgan mansabdor shaxslar sodir etgan jinoyat turlari quyidagicha bo‘lgan:

·      O‘zganing mulkini o‘zlashtirish yoki rastrata yo‘li bilan talon-toroj qilganlar – 2 929 nafar (2023 yilda 2 205 nafar bo‘lgan);

·      Pora olgan va berganlar, pora oldi-berdisida vositachilik qilganlar – 353 nafar (2023 yilda 195 nafar bo‘lgan);

·      Firibgarlik qilganlar – 447 nafar (2023 yilda 272 nafar bo‘lgan);

·      Mansab vakolatini suiiste’mol qilganlar – 226 nafar (2023 yilda 397 nafar bo‘lgan);

·      Hokimiyat yoki mansab vakolati doirasidan chetga chiqqanlar – 13 nafar (2023 yilda 30 nafar bo‘lgan);

·      Mansab soxtakorligiga yo‘l qo‘yganlar – 13 nafar (2023 yilda 36 nafar bo‘lgan);

·      Mansabga sovuqqonlik bilan qaraganlar – 40 nafar (2023 yilda 25 nafar bo‘lgan);

·      Boshqa jinoyatlarni sodir etganlar – 885 nafar (2023 yilda 415 nafar).