2025 yilning 20 yanvar kuni soat 08:10 larda Chilonzor tumani Bunyodkor shohko‘chasidagi MDIS instituti avtoturargohida harakatsiz turgan Nexia rusumli transport vositasida yong‘in kelib chiqqan.
Toshkent shahar IIBB YHXB xabariga ko‘ra, yong‘in tuman FVB xodimlari tomonidan bartaraf etilgan.
Yong‘in natijasida tan jarohat olganlar bo‘lmagan.
Mazkur hodisa yuzasidan YHXB hamda FVB xodimlari tomonidan surishtiruv olib borilib, yong‘in yuzaga kelishining sabablariga aniqlik kiritilmoqda.
Toshkent shahar IIBB YHXB barcha haydovchilardan boshqaruvidagi transport vositasining texnik sozligiga e’tiborli bo‘lishni so‘radi.
