Rossiyaning havo hujumidan mudofaa tizimlari Ukrainaning Su-27 samolyotini, shuningdek, AQShda ishlab chiqarilgan oltita HIMARS yalpi o‘t ochish tizimi reaktiv snaryadlarini urib tushirdi. Bu haqda 2 yanvar, payshanba kuni Rossiya Mudofaa vazirligi bayonot berdi.

«Havo hujumidan mudofaa tizimlari Ukraina havo kuchlarining Su-27 samolyotini, AQShda ishlab chiqarilgan oltita HIMARS yalpi o‘t ochish tizimi reaktiv snaryadlarini, shuningdek, 97 ta samolyot tipidagi uchuvchisiz uchish apparatini urib tushirdi», — deyiladi mudofaa idorasi bayonotida.

Rossiya Federatsiyasi Mudofaa vazirligining ta’kidlashicha, «tezkor-taktik aviatsiya, hujumkor uchuvchisiz uchish apparatlari, raketa qo‘shinlari va Rossiya Federatsiyasi Qurolli kuchlari qo‘shinlari guruhlari artilleriyasi Ukraina harbiy-sanoat majmuasi korxonalarning ishlashini ta’minlaydigan energiya obektlari, harbiy aerodromlar infratuzilmasi, shuningdek, 146 ta hududda ishchi kuchi va dushman harbiy texnikasiga zarar yetkazdi».