Safar davomida diplomatlar Janubiy Saxalin shahrida yangidan qurilayotgan "Agropark" ulgurji-tarqatish markazini ko‘zdan kechirishdi.

Rossiya tomoniga ko‘ra, markaz hududdagi yagona logistika obekti hisoblanib, oziq-ovqat va qishloq xo‘jaligi mahsulotlarini saqlash va qayta ishlash uchun yuqori texnologiyali zamonaviy infratuzilma bilan jihozlangan. Loyiha 56 gektardan ziyod maydonida amalga oshirilmoqda.

"Agropark" ulgurji-tarqatish markazi ishga tushirilgach, qishloq xo‘jaligi mahsulotlarini saqlash, qayta ishlash va ularni iste’molchilarga zamonaviy standartlar va sifat talablariga mos ravishda yetkazib berish imkoniyati paydo bo‘ladi.

Markaz rahbariyati bilan kechgan muloqot chog‘ida, O‘zbekiston qishloq xo‘jaligi mahsulotlarini Saxalin oblastiga to‘g‘ridan to‘g‘ri yetkazib berishni yo‘lga qo‘yish maqsadida mamlakat tadbirkorlari bilan hamkorlik aloqalarini yo‘lga qo‘yish masalalari muhokama qilindi.