«Toshkent metropoliteni» DUK 31 dekabrdan 1 yanvarga o‘tar kechasidagi ish jadvalini e’lon qildi.

Qayd qilinishicha, metro 31 dekabr tonggi 5:00 dan 1 yanvar tungi soat 2:00 gacha yo‘lovchilarga xizmat ko‘rsatadi. Ya’ni shu kuni metro bekatlari ish vaqti odatdagidan 2 soatga uzaytiriladi. Ta’kidlanishicha, bu metropoliten tarixida birinchi marta yuz bermoqda.

Shu bilan birga, metropolitenning qo‘shimcha dam olish kunlaridagi jadvali haqida ma’lumot berilmadi. Bu haqda qo‘shimcha xabar berilishi ma’lum qilindi.