Norvegiya Milliy farovonlik jamg‘armasi (Neft jamg‘armasi) Rossiya va Isroildagi aktivlarini sotmoqda. 1,7 trillion yevroga teng dunyodagi eng yirik pensiya jamg‘armasini boshqaradigan Norvegiya markaziy banki 3 dekabr, seshanba kuni kechqurun bu qarorni tasdiqladi va bu etika sabablariga ko‘ra qabul qilinganini bildirdi.

Qaror Ukraina va Yaqin Sharqdagi urush tufayli qabul qilingan

Neft fondi Rossiyaning Ukrainaga qarshi urushi va Falastin-Isroil mojarosining kuchayishi sababli Rossiyaning Evraz metall va konchilik kompaniyasi aksiyalari, shuningdek, Isroilning Bezeq telekommunikatsiya kompaniyasining aktivlaridan voz kechdi.

Evraz Rossiya mudofaa sanoatini po‘lat bilan ta’minlaydi va shu bilan «Rossiya Federatsiyasining Ukrainaga qarshi noqonuniy harbiy tajovuziga hissa qo‘shadi», deya ma’lum qildi Oslo. Evraz bir nechta so‘rovlarga javob bermagani sababli, Markaziy bankning etika kengashi uni Neft jamg‘armasidan chiqarib tashlashni maslahat berdi.

Isroil kompaniyasi o‘z xizmatlarini, shu jumladan, xalqaro huquq tomonidan noqonuniy deb hisoblangan G‘arbiy sohildagi Isroil aholi punktlarida ham taklif qiladi.