Namangan viloyatining Chust tumanida 2,1 mlrd so‘mlik elektr energiyasidan noqonuniy foydalangan MChJ fosh etildi. 

“O‘zenergoinspeksiya” xabariga ko‘ra, “Ch.Sh.” MChJ mas’ullari ishlab chiqarish sexida elektr energiyasi hisobi uchun o‘rnatilgan tok transformator qasddan uzib qo‘yib, elektr energiyasidan noqonuniy foydalangan.

Ushbu qoidabuzarlik natijasida elektr ta’minoti korxonasiga 2 mlrd 159 mln so‘mlik zarar yetkazilgan.

Mazkur holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.