Qoʻshimcha funksionallar
-
Tungi ko‘rinish
Bolalar ombudsmani yosh bolalar xivchin bilan savalangani aks etgan videoga munosabat bildirdi
Ijtimoiy tarmoqlarda tarqalgan videoda zo‘ravonlar o‘zbek tilida gapiradi, ammo voqea O‘zbekistonda bo‘lmagan.
Foto: Videodan kadr
Ijtimoiy tarmoqlarda noma’lum shaxs bir necha yosh bolani xivchin bilan savalayotgani aks etgan video tarqalgandi. Bolalar ombudsmani Surayyo Rahmonova holat yuzasidan ma’lumot berdi.
Unda aytilishicha, ichki ishlar organlari tomonidan zudlik bilan o‘rganilib, bir necha kun davomida o‘tkazilgan tekshiruv choralari natijasida ushbu videolavha Tojikistonning Xatlon viloyati Regar tumanida olingani aniqlandi.
Voyaga yetmagan bolalarning onasi ishlash uchun Rossiya ketgani, bolalar tog‘asining qaramog‘ida qolib tazyiq va zo‘ravonlikka uchragani ma’lum bo‘ldi.
Bu zo‘ravonlik holatiga Tojikiston huquqni muhofaza qiluvchi organlar tomonidan huquqiy baho berilmoqda.
Xabarda ta’kidlanishicha, Tojikistonning Xatlon viloyati O‘zbekistonning Surxondaryo viloyati Sariosiyo tumani bilan chegaradosh hisoblanib, punkt aholisining qariyb 70-75 foizini o‘zbek millatiga mansub fuqarolar tashkil etadi.
Mavzuga oid
16:33 / 06.03.2025
Biz har bir bola bog‘chada o‘zini erkin, xavfsiz va quvnoq his qilishini xohlaymiz - Hilola Umarova
17:01 / 03.03.2025
“O‘lib qutulayotgan” ayollar: jazodan qo‘rqmayotgan zo‘ravonlar va xorij tajribasi asosida ularni erta aniqlash yechimi
08:51 / 22.02.2025
Oilaviy zo‘ravonlikdan jabrlangan shaxsning talabiga ko‘ra sud tomonidan yarashish uchun muhlat tayinlanmaydi
14:12 / 13.02.2025