O‘zbekistonlik mutaxassislarning safari mamlakat elchixonasi ko‘magida tashkil etildi.

Seminar bilim va tajriba almashish uchun muhim platforma bo‘ldi. O‘zbekiston vakillari implantatsiyaning aniqligi va xavfsizligini oshirishda yangi imkoniyatlar ochadigan eng ilg‘or diagnostika va jarrohlik usullari bilan tanishdilar.

O‘quvlar davomida, shuningdek, o‘zbekistonlik stomatologlar nafaqat o‘z malakalarini oshirdilar, balki yangi professional aloqalar o‘rnatdilar. Bu o‘zaro hamkorlik mamlakatlar o‘rtasida ushbu yo‘nalishdagi munosabatlar istiqbollarini ochib beradi.

Safar yakunlari bo‘yicha muloqotni davom ettirish hamda O‘zbekiston va Ispaniya tibbiyot muassasalari mutaxassislarining o‘zaro o‘quv tashriflarini tashkil etish bo‘yicha ishlarni amalga oshirish to‘g‘risida kelishuvga erishildi.