Ispaniya sharqidagi Valensiya avtonom hududida 30 oktyabr kuni kuchli yomg‘irlar oqibatida suv toshqinlari ro‘y berdi. Sakkiz soat ichida regionga bir yillik normadagi yog‘in tushgan. So‘nggi ma’lumotlarga ko‘ra, mamlakat tarixidagi eng vayronkor suv toshqinlaridan biri bo‘lgan tabiiy ofat oqibatida 95 kishi halok bo‘lgan, rasmiylar qurbonlar soni oshishi mumkinligini taxmin qilmoqda. Yog‘ingarchilik tufayli Valensiyadan Madrid va Barselonaga poyezd qatnovi to‘xtatilgan, avialoqa uzilgan, maktablar va asosiy ijtimoiy xizmatlar ishlamayapti, aholining ko‘p qismi elektrsiz qolgan. Qidiruv-qutqaruv ishlari davom ettirilmoqda. Ispaniyada uch kunlik motam e’lon qilingan.