Klub rasmiy sayti xabariga ko‘ra, jamoani vaqtinchalik Ruud van Nistelroy boshqaradi. U bungacha Erik ten Hagning yordamchisi sifatida faoliyat yuritayotgan edi. Niderlandiyalik mutaxassis qoniqarsiz natijalar uchun lavozimidan ozod etilgan.

«MYu» yakshanba kuni «Vest Hem»ga mag‘lubiyatga (1:2) uchrab, APL turnir jadvalida 14-o‘rinda bormoqda.

Ma’lumot uchun, Ten Hag 2022 yilning aprel oyida «MYu» bosh murabbiyiga aylangandi. Uning qo‘l ostida jamoa 2022/23 yilgi mavsumda Angliya liga kubogini qo‘lga kiritgan bo‘lsa, 2023/24 yilgi mavsumda Angliya kubogi sohibiga aylangandi.