Eron Isroil zarbalariga javob qaytarish huquqidan foydalanadi - TIV

Eron MT Nizomi va o‘zini mudofaa qilish qoidalariga tayanib, Isroil zarbalariga javob qaytarish huquqidan foydalanadi.

Eron Tashqi ishlar vazirligi bayonotida ta’kidlanishicha, mamlakat o‘zini xorij bosqinchilik harakatlaridan himoya qilishga majbur deb biladi.

Eron Tashqi ishlar vazirligi Isroilning harakatlarini keskin qoralab, ularni xalqaro huquq va boshqa davlatlarning hududiy yaxlitligi va siyosiy mustaqilligiga qarshi kuch ishlatish tahdidi sifatida baholadi va BMT Nizomining buzilishi deb atadi. Bayonotda, shuningdek, Isroilning harakatlari BMT Nizomining 51-moddasiga zid ekani, Eronning o‘zini himoya qilish huquqini kafolatlashi ta’kidlangan.

Bayonotda, shuningdek, AQSh va boshqa G‘arb davlatlari Isroilning harakatlarini qo‘llab-quvvatlayotganiga ishora qilinadi, Tehron buni Yaqin Sharqdagi beqarorlik sabab deb hisoblaydi. Eron vazirligi Isroil va uning g‘arbiy ittifoqchilarini «Falastin xalqining genotsidi» va Livanga qarshi tajovuz uchun javobgar deb hisoblaydi, bu esa mintaqadagi tinchlik va barqarorlikka putur yetkazadi.

Eslatib o‘tamiz, 26 oktyabrga o‘tar kechasi Isroil mudofaa kuchlari (IDF) o‘z davlatiga qarshi hujumlarga javob choralari doirasida Erondagi harbiy obektlarga zarba berdi. OAV xabarlariga ko‘ra, Isroil Eronga hujum qilish uchun 100 dan ortiq samolyotlardan, jumladan F-35 qiruvchilaridan foydalangan.

Keyinroq Isroil Eronga hujum haqida rasmiy bayonot berdi va isroilliklar o‘z missiyasini bajarilgan deb hisoblashini ma’lum qildi.