UQK bir kechada Rossiya uchirgan 56 ta drondan 22 tasini urib tushirdi

17 oktyabr kuni Rossiya qo‘shinlari Ukraina hududiga bitta X-59 boshqariladigan aviatsion raketani, shuningdek, 56 ta hujumkor dronlar va noma’lum turdagi UUAni uchirdi, deb xabar berdi UQK Havo kuchlari.

Hisobotga ko‘ra, front chizig‘idagi infratuzilma obektlariga hujumkor uchuvchisiz uchoqlarning 5 ta zarbasi qayd etilgan. Shu bilan birga, Sumi, Kiyev, Poltava, Chernihiv, Jitomir, Mikolayiv, Cherkassk, ​​Odessa va Ternopil oblastlarida dushmanning 22 ta uchuvchisiz uchog‘i urib tushirilgan, 27 tasi radioelektron kurash uskunalari ishi natijasida «mahalliy ravishda yo‘qotigan» va ikkitasi Belarus yo‘nalishi bo‘yicha uchib ketgan.

Rossiya Ukrainaga 130 dan ortiq hujumkor dronlar bilan hujum qildi

16 oktyabrga o‘tar kechasi Rossiya qo‘shinlari Ukraina bo‘ylab 136 ta dron va ikkita raketani uchirdi, deb xabar berdi Ukraina Havo kuchlari Telegramʼda. «Dushman Donetsk oblastiga hududning bosib olingan qismidan S-300/400 zenit raketasi bilan, Kursk oblasti havo hududidan Chernihivga X-59 boshqariladigan aviatsion raketasi, shuningdek, 136 ta uchuvchisiz uchoqlar bilan hujum qildi», deyiladi xabarda. Uchirish holatlari Kursk, Orel va Primorsko-Axtarsk rayonlaridan amalga oshirildi.

Ukraina Qurolli kuchlari ma’lumotlariga ko‘ra, Ukraina havo hujumidan mudofaa kuchlari Ukrainaning 14 oblastida 51 ta dronni urib tushirishga muvaffaq bo‘lgan, radioelektron kurash tizimlarining ishlashi natijasida yana 60 ta dron Ukrainaning bir qator mintaqalarida «yo‘qotilgan». Harbiy hisobot e’lon qilingan vaqtda yana 20 ta dron Ukraina havo hududida bo‘lgan va ikkitasi Rossiya Federatsiyasiga qaytib ketgan.