Paralimpiya o‘yinlarida O‘zbekiston jamoasi dunyo bo‘yicha eng kuchli 15 talikka kirdi.
"Biz 168 davlat orasida 13-o‘rinni egalladik. Musobaqalarda qatnashgan va bayrog‘imizni sharaf bilan himoya qilgan sportchilar – har biringiz bizni lol qoldirgan haqiqiy qahramonsiz!" - deydi prezident yordamchisi.
U jamoa medallarining deyarli yarmini qo‘lga kiritgan qizlarga esa alohida minnatdorlik bildirdi.
"Sizning jasoratingiz, kuchingiz, shijoatingiz bizga g‘urur va ilhom bag‘ishlaydi! Siz imkonsiz narsaning o‘zi yo‘qligini yana bir bor isbotladingiz.
Butun mamlakat qalban siz bilan birga! Siz bilan faxrlanmoqda va quvonchingizga sherik bo‘lmoqda. Biz siz bilan kuchlimiz! Ming rahmat!" - deydi Saida Mirziyoyeva.
