O‘zbekiston NNT milliy assotsiatsiyasi raisiga Oliy Majlis Qonunchilik palatasi va uning qo‘mitalari (komissiyalar) majlislarida NNTlarning vakili sifatida ishtirok etishi mumkin bo‘ladi.

Davlat organlari huzuridagi jamoatchilik kengashlari raislari fuqarolik jamiyati institutlari vakillari orasidan tasdiqlanadi.

Har yili kamida bir marotaba vazirliklar, idoralar va hokimiyatlari tomonidan fuqarolik jamiyati institutlari vakillari bilan ochiq muloqot o‘tkaziladi. 

Oliy Majlis huzuridagi Fuqarolik jamiyati institutlarini qo‘llab-quvvatlash jamoat fondi, hududlarda uning alohida bo‘linmalari tashkil etilmoqda (ilgari bir nechta alohida fond bo‘lgan).

Fond jami 45 ta shtat birligidan iborat, shundan alohida bo‘linmalarda – 28 ta.