Toshkent shahridagi 27ta OTMda dars boshlanish soatlari ro‘yxati e’lon qilindi. Bu haqda Oliy ta’lim, fan va innovatsiyalar vazirligi ma’lum qildi. Unga ko‘ra, metroga yaqin OTMlarda darslar 1,5 soatlik farq bilan 8:00-9:30 oralig‘ida boshlanadi. Vazirlik buning sababini metropolitenda yo‘lovchi oqimini to‘g‘ri taqsimlash, talabalarning o‘z vaqtida dars mashg‘ulotlariga yetib borishlari uchun qulaylik yaratish bilan izohlagan.

Ma’lumot uchun, 2024/2025 o‘quv yilida respublika OTMlarida darslar 9 sentabr kunidan boshlanishi e’lon qilindi. Oldin bu 4 sentabrga to‘g‘ri kelar edi.