Bugun, 21 avgust kuni soat 11:35 da Qashqadaryo viloyati, Nishon tumanidagi «Shirinobod» konidagi (Epsilon XKga qarashli) quduqlar oralig‘ida diametri 426 mm bo‘lgan quvurdan gaz sizib chiqish holati oqibatida yong‘in yuzaga kelgan.

Energetika vazirligi xabariga ko‘ra, hozirgi vaqtda yong‘in to‘liq bartaraf etilib, ta’mirlash ishlariga kirishilgan.

Qayd etilishicha, voqea oqibatida jarohatlanganlar yo‘q.

Holat yuzasidan qo‘shimcha axborot berilishi bildirilgan.