Kaliforniya universiteti (AQSh) olimlari real vaqt rejimida miya signallarini nutqqa aylantiruvchi yangi chip ishini namoyish etdi. Reuters xabariga ko‘ra, u Ameotrofik lateral skleroz (ALS) bilan kasallangan 45 yoshli Keysi Harrel nutqini tiklashga yordam berdi.

Ushbu yangi «miya-kompyuter» interfeysi ovozli yordamchi bilan jihozlangan bo‘lib, bemorning ovoziga aniq taqlid qiladi. Bunga Sun’iy intellekt (SI) tomonidan kasallikdan oldin yozib olingan audio namunalarni o‘rganib chiqish natijasida erishilgan.

Birinchi sinov natijalari shuni ko‘rsatdiki, texnologiya miya signallarini 97 foizgacha to‘g‘ri taniydi. Bundan tashqari, dastlabki samaradorlik 99,6 foizni tashkil etgan. Bu ko‘rsatkich neyrochip so‘z boyligini 50 tadan 125 minggacha oshirgandan so‘ng kamaygan. Ammo bu hali ham juda yaxshi ko‘rsatkich, demoqda olimlar.

«Miya-kompyuter» interfeysi o‘tgan yozda Harrel miyasiga implantatsiya qilingan edi. U 256 ta mikroelektroddan iborat.

Bu ALS bilan kasallangan bemorga muloqot qilish qobiliyatini tiklashga yordam bergan yagona miya chipi emas. O‘tgan yili, masalan, xuddi shunday tizim 36 yoshli nemisning ovozini tiklagan edi.