Oltin medal uchun kechgan bellashuvda O‘zbekiston vakili Razambek Jamalov yaponiyalik Daichi Takataniga qarshi gilamga chiqib, raqibini muddatidan avval mag‘lubiyatga uchratdi. 

Eslatib o‘tamiz, Jamalov avvalgi bosqichlarda Olimpiada finalchisi Magomedhabib Nurmagomedov (neytral), 4 karra Yevropa chempioni Taymuraz Salkazanov (Slovakiya), Albaniya vakili Chermen Valiyev va tojikistonlik Valentin Rassadindan ustun kelgandi.

Shu tariqa O‘zbekiston kurash jamoasi turnirni 1 ta oltin, 1 ta bronza medali bilan yakunladi. Bungacha -67 kg vaznda G‘ulomjon Abdullayev sovrindorlar qatoridan joy olgandi.

Umuman, O‘zbekiston delegatsiyasining barcha medallari 10 taga yetdi — 6 oltin, 1 kumush va 3 bronza.