2024 yilgi yozgi Olimpiya o‘yinlarida O‘zbekiston delegatsiyasi boksda uchinchi oltin medalni qo‘lga kiritdi. 

 +92 kg vaznda Lazizbek Mullojonov finalda asli kubalik bo‘lgan, Ozarboyjon vakili Alfonso Dominges bilan to‘qnash kelib, 5:0 hisobida g‘alaba qozondi. 

Shu tariqa O‘zbekistonning Parij Olimpiadasida qo‘lga kiritgan medallari 8 taga yetdi — 5 ta oltin, 3 ta bronza. Umumjamoa hisobida delegatsiya 14-o‘ringa ko‘tarildi.

Shuningdek, O‘zbekiston oltin medallar soni bo‘yicha Rio-2016da o‘rnatilgan rekordni (4 ta edi) yangiladi.