Iqtisodiy ishlar bo‘yicha Surxondaryo viloyati sudi sudyasi 3 ming AQSh dollari miqdoridagi pora bilan qo‘lga tushdi, deb xabar berdi huquq himoyachisi Abdurahmon Tashanov ijtimoiy tarmoqdagi sahifasida.
Qayd qilinishicha, ushbu sudya «o‘tgan yillarda ibratli sudya tanlovlarida g‘olib bo‘lgan nufuzli shaxslardan biri edi».
Xabarda uning ismi sharifi keltirilmagan. Shuningdek, hozircha holat yuzasidan rasmiy munosabat bildirilmadi.
«Ibratli sudya» mukofoti 2020 yilda joriy etilgan bo‘lib, u bilan odil sudlovni amalga oshirishda samarali faoliyat yuritgan sudyalar taqdirlanadi.
