18 aprelda Rossiya Ukrainaning beshta hududiga uchuvchisiz uchoqlar va raketalar bilan hujum qildi – Dnepropetrovsk, Zaporijjya, Poltava, Kiyev va Xarkivga. Jami 16 ta Shahed zarba beruvchi UUA va uchta qanotli raketa uchirildi - ikkita X-59/X-69 va bitta X-35, dedi Ukraina Qurolli kuchlari Havo kuchlari qo‘mondoni, general-leytenant Nikolay Oleshchuk.

Unga ko‘ra, barcha dronlar va ikkita X-59 raketalari urib tushirilgan. Oleshchuk uchinchi raketa qayerga urilganini aytmadi va «ko‘p nishonlar sharqiy yo‘nalishda yo‘q qilinganini» ta’kidladi. O‘z navbatida, Dnepropetrovsk viloyati harbiy ma’muriyati (VHM) rahbari Sergey Lisak mintaqa uzra ikkita raketa va beshta uchuvchisiz uchoq yo‘q qilinganini aytdi.

Poltava viloyati harbiy ma’muriyati boshlig‘i Filipp Proninning so‘zlariga ko‘ra, Kremenchug tumanida dron hujumi natijasida turar joy binosi va hovli zarar ko‘rgan. Qurbonlar yo‘q.

Xarkiv viloyatida rus qo‘shinlari tunda Kupyanskiy tumani Glushovka qishlog‘iga boshqariladigan havo bombasini tashladi, dedi Xarkiv VHM rahbari Oleg Sinegubov. Oqibatda 60 yoshli ayol halok bo‘lgan, 69 va 80 yoshli erkaklar jarohatlangan, to‘rtta uy vayron bo‘lgan.