Fuqarolarni davlat tibbiyot muassasalariga hisobga qo‘yish bo‘yicha davlat xizmati ko‘rsatishning ma’muriy reglamenti loyihasi muhokamaga qo‘yildi.
Loyihada:
- jismoniy shaxsning doimiy yashash yoki vaqtinchalik turgan manzili o‘zgarganda ixtiyoriy ravishda yangi manzildagi davlat tibbiyot muassasalariga kompozit shaklda (bitta murojaat asosida) hisobga qo‘yish;
- davlat tibbiyot muassasalariga hisobga qo‘yilganligi haqida ma’lumotnoma taqdim etish;
- davlat xizmatidan foydalanish uchun Yagona interaktiv davlat xizmatlari portali orqali murojaat qilish tartiblari belgilanmoqda.
Sog‘liqni saqlash va Raqamli texnologiyalar vazirliklari bu davlat xizmatini 2025 yil 1 yanvarga qadar yo‘lga qo‘yishi kerak bo‘ladi.
Avvalroq, sog‘liqni saqlash vaziri Asilbek Xudoyorov elektron poliklinika va elektron retsept tizimlari 2024 yil oxirigacha to‘liq yo‘lga qo‘yilishini aytgandi.
