Birinchi yarim yillikda soliq tushumlari 11 foizga oshdi

Iqtisodiyot 18:12 / 08.07.2024 2685

2024 yilning II choragi davomida davlat budjetiga soliq tushumlari qariyb 45,5 trln so‘mni tashkil etdi. Bu – o‘tgan yilning mos davriga nisbatan 18,4 foizga ko‘p, deya ma’lum qildi Soliq qo‘mitasi.

II chorakda barcha soliq turlari bo‘yicha o‘sish kuzatilgan. Eng yuqori o‘sish – mol-mulk solig‘i – 45 foiz. Keyingi o‘rinlarni esa aksiz solig‘i (36,6 foiz) va QQS (26,5 foiz) egalladi.

Soliq turlari kesimida tushum (o‘tgan yilning mos davriga nisbatan o‘sish)lar quyidagicha:

  • foyda solig‘i – 9,5 trln so‘m (10,6 foiz);
  • QQS – 9,4 trln so‘m – (26,5 foiz);
  • JShODS – 9,2 trln so‘m – (18,7 foiz);
  • aksiz solig‘i – 4,6 trln so‘m – (36,6 foiz);
  • yer qa’ridan foydalanganlik uchun soliq – 4,1 trln so‘m (16,2 foiz);
  • yer solig‘i – 2,2 trln so‘m (32,1 foiz);
  • mol-mulk solig‘i – 1,8 trln so‘m (45 foiz);
  • AOS – 756,1 mlrd so‘m (1,7 foiz);
  • suv resurslaridan foydalanganlik uchun soliq 186,1 mlrd so‘m (0,4 foiz).

I chorakda budjetga soliq tushumlari 40,3 trln so‘mni tashkil qilgandi. Shu raqamlardan kelib chiqilsa, 2024 yilning 6 oyida soliq tushumlari 85,8 trln so‘mni tashkil qilgan. Bu – o‘tgan yilning birinchi yarmidagi ko‘rsatkichdan 11,4 foizga ko‘p.

Avvalroq 2024 yilning birinchi yarmida davlat budjeti defitsiti 34 trln so‘mdan oshgani xabar qilingandi. 6 oyda davlat budjeti daromadlari 115,8 trln so‘m, xarajatlari esa 149,8 trln so‘mni tashkil etib, taqchillik 34 trln so‘mga yetgan. Bu – bir yil oldingi ko‘rsatkichdan qariyb 27 foizga ko‘p.

Ko‘proq yangiliklar: