Ukrainadagi urushning 860-kuni o‘tdi. Asosiy ma’lumotlar:
Viktor Orban urush boshlanganidan buyon ilk bor Ukrainaga keldi. U Volodimir Zelenskiyga tinchlik muzokaralarini boshlash uchun o‘t ochishni to‘xtatish haqida o‘ylab ko‘rishni taklif etgan.
Anneksiya qilingan LXR rahbari Leonid Pasechnik Ukrainada sirtdan 12 yillik qamoq jazosiga hukm qilindi.
Niderlandiya F-16 qiruvchilarini Ukrainaga eksport qilishga litsenziya berdi.
Rossiya mudofaa vazirligi Mirgorodda ukrainlarning beshta Su-27 qiruvchisi yo‘q qilingani haqida xabar qildi. Ukraina qurolli kuchlari hujum faktini tasdiqlagan, ammo yo‘qotishlar «umuman aytilayotganidek emasligi»ni bildirgan.
Rossiya sudi Aleksandr Nevzorov va uning rafiqasini «ekstremistik birlashma» deb atadi.
Viktor Orban Kiyevda
Keng ko‘lamli bosqin boshlanganidan buyon Yevropaning deyarli barcha mamlakatlari yetakchilari Kiyevga tashrif buyurgandi, ammo ushbu davlat qo‘shnilaridan biri bo‘lgan Vengriya bosh vaziri Viktor Orban emas. Shu bilan birga, Orban urush davrida RF prezidenti Vladimir Putin bilan uchrashgan kam sonli davlat rahbarlaridan biridir. 2 iyul kuni Orban baribir Kiyevga keldi. U Ukraina prezidenti Volodimir Zelenskiy bilan uchrashuv o‘tkazdi, muzokaralar davomida, Orbanning o‘zi aytishicha, u o‘t ochishni hozirgi vaqtdagi tutashuv chizig‘ida to‘xtatishni taklif qilgan. Zelenskiy Orbanning taklifiga munosabat bildirmagan. Ukraina prezidenti ofisi rahbari o‘rinbosari Igor Jovkvaning aytishicha, Zelenskiy Orbanga o‘t ochishni to‘xtatish kabi jarayonlar Ukraina tomonidan tashabbus qilingan tinchlik sammitidan alohida holda ko‘rib chiqilmasligini tushuntirgan.
Viktor Orban va Volodimir Zelenskiy. Kiyev, 2024 yil 2 iyul
Ukraina prezidenti matbuot xizmati / AFP / Scanpix / LETA
Xarkiv oblastidagi oldingi chiziqda joylashgan ukrain askarlari
Rossiya qo‘shini may oyida Xarkiv oblastining chegaradosh rayonlarida yurish boshlagandi. Iyun oyi oxiriga kelib Ukraina qurolli kuchlari Rossiyaning Xarkiv atrofidagi yurishini to‘xtatishga muvaffaq bo‘ldi, ammo frontning boshqa uchastkalarida RF qo‘shinini tiyib turishning imkoni bo‘lmayapti. Ukrainalik fotograf Konstantin Liberov to‘g‘ridan to‘g‘ri tutashuv chizig‘ida joylashgan 3-alohida shturm brigadasi pozitsiyasiga bordi. Quyida muallifning o‘z izohi bilan keltirilgan fotosuratlar.
«Pozitsiyaga kirish va undan chiqish — faqat tunda, zulmatli tunda bir tomonga 5-9 kilometr masofani vaziyatga qarab to‘liq jihozlangan va o‘q-dorilarni orqalagan holda piyoda bosib o‘tish orqali amalga oshiriladi», — deya yozadi Liberov instagram sahifasida
Liberov Kostiantyn / Libkos / Getty Images
Liberov Kostiantyn / Libkos / Getty Images
Liberov Kostiantyn / Libkos / Getty Images
«Barcha narsadan otishadi, KABlar (boshqariluvchi aviatsiya bombalari), PTUR (tankka qarshi boshqariluvchi raketa), artilleriya... Dushman dronlari har qadamingni ko‘rib turadi. Pozitsiyaga kelishda bizning mashinani PTUR orqali nishonga olishga urinishdi. FPV muntazam ravishda okoplar ustida osilib turadi va siz xatoga yo‘l qo‘yib, qayerda turganingizni bildirib qo‘yishingizni kutadi»
Liberov Kostiantyn / Libkos / Getty Images
Liberov Kostiantyn / Libkos / Getty Images«Jazirama yondiradi. Bu yerda u siz uchun boshpana vazifasini o‘tovchi kichik, tor teshik soyasida ham mutlaqo boshqacha seziladi. Ustingdagi la’nati bronikni (zirhli nimcha) uloqtirib yuborishni, barchasini yechib tashlashni istaysan. Ammo sizdan ikki yuz metr naridagi qo‘shni pozitsiyaga stvolli pozitsiyadan sidirg‘asiga o‘n ikki bor o‘t ochilishi — issiqlikdan ko‘ra xavfliroq. Quyosh seni o‘ldirmaydi, shundaymi, vayronalar ostida qolish esa — o‘ldirishi mumkin», — deya hikoya qiladi Liberov
Liberov Kostiantyn / Libkos / Getty Images«Sen ularni juda yaqindan eshitasan, hatto shiftdagi kichik teshiklardan ko‘rib turasan ham, ammo hech narsa qila olmaysan. Shunday ekan, o‘tirasan, o‘tirasan va shunchaki bu safar senga yeta olmasliklaridan, bugun omading kelishidan umid qilasan», — deya yozadi fotograf
Liberov Kostiantyn / Libkos / Getty ImagesLiberov Kostiantyn / Libkos / Getty Images«Hid. Ter va o‘lim hidi. Bu yerda hammayoqda dushman jasadlari yotibdi. Hech kim ularni olib chiqish uchun texnikani olib borib, tavakkalchilik qilmaydi. Shunday ekan, yaxshiroq nafas olish uchun yigitlar quruq qo‘l bilan ularning ustiga tuproq tortadi», — deya xotirlaydi Liberov
Liberov Kostiantyn / Libkos / Getty Images«O‘tmishdagi urush dahshatlari haqidagi birorta kitob yoki film sizga bugungi kunda ukrain piyodalari qanday jahannam ichida yashayotganini ko‘rsatib bera olmaydi. Kamida, o‘sha vaqtlarda sening har qadamingni kuzatib turuvchi va oxiriga qadar ta’qib etuvchi dronlar bo‘lmagan. Bu doimiy, to‘xtovsiz zo‘riqish sharoitidagi, hatto uyquda ham xavotir yo‘qolmaydigan hayot»
Liberov Kostiantyn / Libkos / Getty Images
Toretskdagi hayot
Rossiya qo‘shini Donetsk oblasti Baxmut rayonida joylashgan Toretsk shahri tomon yurish qilmoqda. Iyun oyi oxirida RF qurolli kuchlari Toretsk va unga qo‘shni Nyu York posyolkasiga janubdan — Horlivka tomondan hujum qilgan. Avdiyivkadan shimolga qarab yurish qilayotgan qo‘shinlar ushbu shaharni janubi-g‘arbdan o‘rab olishga urinmoqda.
Ukrainaning harbiy harakatlar ketayotgan hududlarga yaqin joylashgan boshqa aholi yashash manzillari kabi Toretsk ham otishmalardan jiddiy shikastlangan, ammo mahalliy aholi vakillaridan ayrimlari hamon shaharni tark etmayapti.
George Ivanchenko / Anadolu / Getty Images1 iyul kuni Ukraina milliy politsiyasi bergan ma’lumotga ko‘ra, Toretskda besh mingga yaqin, Toretsk obshinasida esa — 10 ming atrofida kishi yashamoqda
George Ivanchenko / Anadolu / Getty ImagesMilliy politsiya xabarida qayd etilishicha, Rossiya tomonidan yurish boshlanishi fonida Toretsk va uning atrofida yashovchilarning ko‘pchiligi evakuatsiya bo‘lishga harakat qilmoqda. Uch kun ichida Toretsk obshinasidan 711 kishi ko‘chirilgan, shundan 20 nafari bolalar
George Ivanchenko / Anadolu / Getty ImagesAholiga nisbatan xavfsiz joylarga ketishda politsiyachilar, Ukraina FVDX, Donetsk oblasti harbiy ma’muriyati va boshqa mahalliy rasmiylar yordam ko‘rsatmoqda. «20 dan ortiq qo‘shma guruhlar ish olib bormoqda, ular orasida „Oq farishtalar“, paramediklar, maxsus topshiriqli bo‘linmalar bor», — deyiladi Ukraina milliy politsiyasi xabarida
George Ivanchenko / Anadolu / Getty Images
Rossiyalik askarlarning jasadlari identifikatsiya qilinishi
Janglar bo‘lib o‘tgan joylarda ikki tomondan ham qurbonlarning jasadlari qoldiqlari qolmoqda. Qurbonlarning jasadlarini eksgumatsiya va shaxsiga aniqlik kiritish bo‘yicha ishlar bilan boshqa guruhlar qatori Ukrainaning «Qora lola» qidiruv guruhi ham shug‘ullanmoqda. Quyidagi fotolarda guruhning Donetsk oblasti Baxmut shahri atrofidagi faoliyati aks etgan.
Qidiruv guruhi rahbari Aleksey Yukov guruh faoliyati haqida so‘zlab berarkan, xususan, shunday deydi: «Urush seni chaynab, tupurib tashlaydi. Faqat suyaklar qoladi. Rossiyaliklar avvalboshdan „takrorlashimiz mumkin“ („mojyem povtorit“) emas, urushga „yo‘q“ deyishi kerak edi. Biz barchamiz bunday „takrorlash“ning to‘loviga guvoh bo‘lmoqdamiz» (iqtibos Ukrainaning New Voice nashridan)
Pablo Miranzo / Anadolu / ABACAPRESS / ddp images / Vida Press«Men uchun bu kimningdir taqdiri. Bu kimningdir o‘g‘li, kimningdir otasi bo‘lgan. Bu dushman jasadi qoldiqlari bo‘lishi mumkinligiga qaramay, biz baribir ularni olishimiz kerak», — deydi Yukov
Pablo Miranzo / Anadolu / ABACAPRESS / ddp images / Vida PressBaxmut uchun janglarda Yevgeniy Prigojin tomonidan asos solingan Vagner xususiy harbiy kompaniyasi jangchilari faol ishtirok etgan. «Mediazona» va BBC rus xizmati aniqlashicha, Baxmut uchun janglarda kompaniya tomonidan asosan Rossiyadagi qamoqxonalarda yollangan jangchilardan kamida 18329 nafari halok bo‘lgan. «Baxmut qirg‘ini»dan mahbuslarning uchdan biri qaytmagan
Pablo Miranzo / Anadolu / ABACAPRESS / ddp images / Vida Press
