Qashqadaryo viloyatida ko‘plab qo‘ylar avtomobil tagida qolib nobud bo‘lgani haqidagi xabar ijtimoiy tarmoqlarda tarqaldi.
Qashqadaryo viloyati YHXB bunga izoh berib, qo‘ylarni Isuzu rusumli avtomobil urib yuborganini tasdiqladi.
«17 noyabr kuni Surxondaryo viloyatida yashovchi fuqaro A.S. boshqaruvida bo‘lgan Isuzu rusumli transport vositasi Ko‘kdala tumani hududidan o‘tuvchi «G‘uzor-Samarqand» yo‘lining 105 kilometrida 95 bosh mayda shoxli mollarni urib yuborgan», deyiladi xabarda.
Hodisa oqibatida jabrlanganlar haqida ma’lumot berilmadi.
Holat yuzasidan Ko‘kdala tumani IIB huzuridagi Tergov guruhi tomonidan tergovoldi surishtiruv harakatlari olib borilmoqda.
