Ukrainada urushning 854-kuni o‘tdi. Asosiy ma’lumotlar:

• NATO elchilari Mark Ryutteni NATOning yangi bosh kotibi sifatida tasdiqlashdi.
• Yevroittifoq Belarusga nisbatan yangi sanksiyalarni kelishib oldi. Bu cheklovlar Rossiyaga qarshi cheklovlardagi «eng katta lazeyka»ni yopishi ko‘zda tutilgan.
• Zelenskiy ingliz tilining Ukrainadagi maqomi to‘g‘risidagi farmonini imzoladi. Endi bu tilni bog‘chadan boshlab o‘qitish majburiy bo‘ladi.
• Yevroittifoq sudi milliarder Dmitriy Pumpyanskiyga qo‘yilgan sanksiyalarni bekor ​qildi.
• Ukrainaning Yevroittifoqqa kirishi masalasida rasmiy muzokaralar boshlandi.
• Rossiya TIV rus nashrlari Yevropada taqiqlanishiga javoban g‘arbning 81 ta nashriga cheklov o‘rnatdi.
• Belgorod oblastida Ukraina qurolli kuchlari hujumi oqibatida tinch aholi vakili bo‘lgan ayol halok bo‘ldi. Yana bir necha kishi jarohatlangan.
• Trampning maslahatchilari Ukrainada urushni to‘xtatish rejasini taqdim etishdi. Ular agar Moskva bilan muzokaralardan bosh tortgudek bo‘lsa, Kiyevni AQShning harbiy yordamidan mahrum etishni taklif qilishgan.

Rossiya va Ukraina o‘rtasida asirlar almashuvi

Rossiya va Ukraina 25 iyun kuni «90 ga 90» sxemasi bo‘yicha asirlar almashuvini amalga oshirdi. Ukraina Rossiya tomoniga qaytarganlar orasida Ukraina pravoslav cherkovi Tulchinskaya yeparxiyasi mitropoliti, Ukrainada Rossiya tajovuzini oqlagani uchun qamalgan Ionafan (Anatoliy Yeletskix) g‘am bor. Almashuv kuni cherkov Kirill Ionafanni Moskvada qabul qilgani va uni I darajali Sergiy Radonejskiy ordeni bilan taqdirlagani haqida xabar berdi. 

Xarkiv atrofidagi «Xartiya» brigadasi

Rossiyaning Xarkiv oblastidagi yurish qilishga urinishlarini boshqalar qatori «Xartiya» operativ topshiriqlik 13-brigada ham qaytarmoqda. Quyidagi tasvirlar «Xartiya» jangchilari himoya qilayotgan Lipsi posyolkasi hududida olingan.

Ukraina qurolli kuchlarining Donetsk oblastidagi ta’mirlash brigadasi

Ukraina qurolli kuchlarining ta’mirlash brigadalari janglarda shikastlangan texnikalarni tiklashda yordam ko‘rsatadi. «Keng ko‘lamli bosqinning ilk kunidan buyon mobil ta’mirlash brigadalari ko‘rinmas front va Ukraina qurolli kuchlari texnikalari uchun tez yordamga aylandi. Ular o‘zini qahramonlar deb hisoblamaydi. Tutashuv chizig‘ida texnikalarni ta’mirlash — bu ular uchun harbiylar oldida ham, vatan oldida ham majburiyat hisoblanadi. Ammo ular  biz uchun — qahramonlar. Mudofaa qahramonlari», — deya xabar qiladi «Ukroboronprom».

 

 

 

 

 

 

 

 

 

Xarkiv yaqinidagi ukrain razvedka droni

Rossiya qo‘shini oldinga yurishga intilayotgan Xarkiv yo‘nalishida 92-alohida shturm brigadasining «Axilles» nomli zarbdor pilotsiz aviatsiya batalyoni ham jang qilmoqda.

RF qurolli kuchlarining Xerson oblastidagi artilleriyasi

Xerson oblastining bir qismini egallab turgan Rossiya qo‘shini muntazam ravishda Dnipro daryosining o‘ng sohilidagi ukrain qo‘shinlari pozitsiyalarini artilleriyadan o‘qqa tutib, dronlar bilan hujum qilmoqda. Buning uchun «Giatsint-B» rusumli yirik kalibrli zambaraklardan ham foydalanmoqda.

Milliy jamoaning Yevrodagi o‘yinini ko‘rayotgan ukrain harbiylari

Ukraina milliy jamoasi 26 iyun kuni Belgiya jamoasiga qarshi o‘yinda durang qayd etdi va Yevro-2024 turniri 1/8 final bosqichiga chiqa olmadi. Ukrainaning guruhdagi barcha jamoalar to‘rttadan ochko jamg‘argandi. Lekin ukrainlar to‘plar nisbati yomonroqligi tufayli eng oxirgi o‘ringa joylashdi, birinchi turda Ruminiyadan uchralgan yirik hisobdagi mag‘lubiyat (0:3) pand berdi.