Ukrainada urushning 846-kuni o‘tdi. Asosiy ma’lumotlar:

• Putin KXDRga tashrif buyurdi.
• Armiya to‘g‘risida «feyk» tarqatgani uchun qamalgan siyosatchi Ilya Yashin kamer tipidagi xonaga o‘tkazilgan.
• «Mediazona»: Ukrainada urush boshlanganidan buyon 10 mingdan ortiq rossiyalik harbiy xizmatdan bo‘yin tovlashda ayblangan.
• Tartusk universiteti sobiq professori Vyacheslav Morozov Estoniyada Rossiya foydasiga josuslik qilishda aybdor deb topilib, olti yil muddatga qamaldi.
• Moskvada sud Oliy rada deputati Oleksiy Goncharenkoni sirtdan o‘n yillik qamoq jazosiga hukm qildi.
• NATO bosh kotibi Xitoyni urushda Rossiyaga texnologiyalar bo‘yicha yordam ko‘rsatish oqibatlaridan ogohlantirdi.
• Putin Shimoliy Koreya gazetasi uchun yozgan maqolasida KXDRga Rossiyaning Ukrainadagi bosqinida «ko‘rsatilgan yordam uchun» minnatdorchilik bildirdi.
• Rostov oblasti Azov shahrida dron neft mahsulotlari saqlanuvchi rezervuarga hujum uyushtirdi.

Moskvada «Barchasi g‘alaba uchun!» fondi ko‘rgazmasi

Moskvadagi Xalq xo‘jaligi yutuqlari ko‘rgazmasi (VDNX)da 18 iyun kuni Ukrainaga bosqin ishtirokchilariga yordam ko‘rsatuvchi «Barchasi g‘alaba uchun!» fondining ikki yillik faoliyati sharafiga bag‘ishlangan tadbir bo‘lib o‘tdi.

Vladimir Putin Shimoliy Koreyada

RF prezidenti Vladimir Putin 18-19 iyun kunlari KXDRga tashrifini amalga oshirmoqda. Safar oldidan u mahalliy «Nodon sinmun» gazetasi uchun maqola yozgan, unda boshqa gaplar qatorida Shimoliy Koreyaga Ukrainadagi urushda ko‘rsatilgan «kuchli qo‘llov» uchun minnatdorchilik bildirgan. Putinning tashrifi munosabati bilan Pxenyan ko‘chalarida uning portretlari va Rossiya bayroqlari ilingan. Shimoliy Koreya yetakchisi Kim Chen In RF prezidentini kutib olish uchun shaxsan aeroportga tashrif buyurdi. Oldinroq G‘arb nashrlari yozganidek, KXDR Rossiyaga Ukrainaga bosqin uchun qurol va o‘q-dorilar yetkazib bergan.

Ukraina qurolli kuchlari jangchisi Donetsk oblastida o‘q otish mashqlarida

Vovchansk atrofidagi ukrain artilleriyachilari

Xarkiv oblastida Rossiya qo‘shini bir necha haftadan buyon egallashga harakat qilayotgan Vovchansk shahri atrofida boshqa bo‘linmalar qatorida 57-alohida motopiyodalar brigadasi ham mudofaalanmoqda.