Merilendda giyohvand modda uchun sudlangan 100 ming kishi afv etildi
Merilend rahbari marixuana saqlash va iste’mol qilish bilan bog‘liq mayda jinoyatlar uchun 175 mingdan ortiq sudlanganlik bo‘yicha hukm olib tashlanishini e’lon qildi. Bu AQShda shtat darajasidagi eng yirik afvdir.

Ues Mur Foto: Dominick Sokotoff/Zuma Press
AQShning Merilend shtati gubernatori marixuana iste’mol qilish, shuningdek, kannabis iste’molida foydalaniladigan buyumlarni saqlaganlik uchun 175 mingdan ortiq sudlanganlik hukmi olib tashlanishini e’lon qildi. Bu haqda 17 iyun, dushanba kuni gubernator Ues Mur Merilend shtati poytaxti Annapolisda bo‘lib o‘tgan matbuot anjumanida ma’lum qildi va bu AQSh tarixidagi shtat darajasidagi eng yirik afv ekanligini ta’kidladi. Nutq aks etgan videotasvirda shtat rahbarining bu so‘zlari gulduros qarsaklar bilan kutib olinganini ko‘rish mumkin.
Ushbu harakat 100 000 ga yaqin kishidan kichik jinoyatlar uchun sudlanganlik holatini olib tashlash imkonini beradi. Merilend shtati bosh prokurori Entoni Braun ommaviy afvni «irqiy tenglik masalasi» deb atadi.
Merilendda marixuana qonuniylashtirilgan
Rekreatsion kannabis 2023 yilda Merilendda referendumdan so‘ng qonuniylashtirildi, ammo marixuana saqlash va boshqa kichik jinoyatlar uchun avvalgi hukmlar bekor qilinmadi.
«Shtatda kannabisdan foydalanish va unga egalik qilish endi noqonuniy bo‘lmaganligi sababli, merilendliklar uy-joy, ishga joylashish yoki ta’lim olishda to‘siqlarga duch kelmasliklari kerak, chunki qonunga xilof bo‘lmagan xatti-harakatlari uchun sudlanganlar», - deyiladi gubernator bayonotida.
Kannabisdan rekreatsion maqsadda foydalanish AQShning 24 shtatida, shuningdek, Kolumbiya okrugida qonuniydir. Federal darajada AQSh prezidenti Jo Bayden 2022 yilning kuzida marixuana saqlashda ayblangan barcha shaxslarni afv etish haqidagi farmonni imzoladi.
Tavsiya etamiz
AQShda xatolik tufayli 400 yilga qamalgan erkakka 1,7 mln dollar kompensatsiya to‘landi
Jahon | 23:34 / 04.07.2025
«Ba’zilar uchun genotsid daromadli» - BMT eksperti butun dunyoni Isroil bilan savdoni to‘xtatishga chaqirdi
Jahon | 18:56 / 04.07.2025
40 daraja issiq: bunaqa paytda xodimlar qanday huquqlarga ega?
Jamiyat | 17:15 / 03.07.2025
Issiqdan qanday saqlanish kerak? – JSST tavsiyalari
O‘zbekiston | 16:06 / 02.07.2025
So‘nggi yangiliklar
-
Salkam 900 mln so‘mlik noqonuniy zargarlik buyumlari savdosi fosh etildi
Jamiyat | 13:43
-
AQShda America Party'ni ro‘yxatdan o‘tkazish uchun ariza topshirildi
Jahon | 13:28
-
Xarkivda Rossiya dronlari zarbalarida 20 dan ortiq kishi jarohatlandi
Jahon | 12:50
-
Germaniyada boshpana so‘rab murojaat qilganlar soni deyarli ikki barobar kamaydi
Jahon | 12:47
Mavzuga oid

07:50 / 25.01.2025
5 kg marixuanani 10 ming dollarga sotayotgan shaxs ushlandi

17:58 / 08.01.2024
Samarqand viloyatidagi xonadondan qariyb 32 kg marixuana topildi

14:00 / 24.10.2022
Samarqandda 20 kilogramm marixuana giyohvandlik moddasini saqlab kelayotgan shaxs ushlandi

18:01 / 18.02.2022