Ijtimoiy tarmoqlarda Sergeli mashina bozori yaqinida yuk mashinalari yonayotgani tasvirlangan video tarqaldi. Toshkent shahar FVB holat yuzasidan rasmiy ma’lumot berdi.

Ma’lum qilinishicha, bugun soat 11:49 da Toshkent shahar FVBga Sergeli tumani 6a-dahasida ochiq maydonda yong‘in bo‘layotgani to‘g‘risida xabar kelib tushgan. Shunga ko‘ra, 2 ta yong‘in-qutqaruv ekipaji soat 11:43 da voqea joyiga yetib borib, yong‘in soat 11:55da o‘chirilgan.

Sodir bo‘lgan yong‘in natijasida ochiq maydonda quruq o‘t va shox-shabba hamda 1 ta nosoz holda turgan yuk avtomobili yonib zararlangan. 

Qayd etilishicha, hozirda yong‘in sababi va moddiy zarar miqdori aniqlanmoqda. Hodisa oqibatida tan jarohati olgan va halok bo‘lganlar to‘g‘risida ma’lumot kelib tushmagan.