Xorazm viloyati, Xiva shahrida baxtsiz hodisa oqibatida 11 yoshli bolani devor bosib qoldi. Bolalar ombudsmani Surayyo Rahmonova holatni o‘rganayotgani haqida xabar berdi.

Qayd qilinishicha, 29 may kuni Xiva shahri, Gulshan-2 mahallasida yashovchi, 2013 yilda tug‘ilgan o‘g‘il bola qurilishi tugallanmagan bino yonida o‘ynab yurgan vaqtida devorning bir qismi qulab tushgan. Oqibatda bolaning tos suyagi singan, u shifoxonada davolanayotgani ta’kidlanmoqda.

Holat yuzasidan Xiva shahri IIB tomonidan tergovga qadar tekshiruv ishlari olib borilmoqda.