29 may kuni Oliy Majlis Senati raisi Tanzila Norboyeva Ozarboyjonning O‘zbekistondagi favqulodda va muxtor elchisi Guseyn Guliyevni qabul qildi. 

Qayd qilinishicha, tomonlar O‘zbekiston hamda Ozarboyjon o‘rtasidagi hamkorlik rivojlanib borayotganini alohida ta’kidladi. 

Shunigdek, muloqot chog‘ida mamlakatlar o‘rtasidagi savdo-iqtisodiy, madaniy-gumanitar va parlamentlararo aloqalarning bugungi holati va istiqbollari yuzasidan ham fikr almashilgan. 

«O‘zbekiston va Ozarboyjon parlamentlari o‘rtasida shakllangan munosabatlarning bugungi kundagi yuqori darajasidan kelib chiqib, kelgusi rejalar muhokama qilindi», deyiladi Senat xabarida.