London Xitoyni Rossiyaga qurol yetkazib berishda aybladi

Britaniya mudofaa vaziri Grant Shepps Xitoyni Rossiyaga qurollar yetkazib berishda aybladi. «Bugun men Rossiya va Xitoy o‘rtasida qurollar sohasida hamkorlikka oid dalillarga ega ekanligimiz haqida xabar berishim mumkin», dedi Shepps 22 may, chorshanba kuni London mudofaa konferensiyasida.

Amerika va Britaniya razvedka xizmatlari ma’lumotlariga tayanib, Shepps qurollar «allaqachon Xitoydan Rossiyaga oqib kelayotganini» da’vo qildi. Bu ma’lumotlar Pekinning Moskvaga o‘z ta’sirini mo‘’tadil deb ko‘rsatishga urinishlariga zid, deya qo‘shimcha qildi Britaniya mudofaa vaziri. Uning so‘zlariga ko‘ra, Xitoy va Rossiya Federatsiyasi o‘rtasidagi «juda yaqin» munosabatlardan mamlakatlar o‘rtasidagi tovar ayirboshlash hajmi 64 foizga oshgani dalolat beradi. 

AQSh va Germaniya Xitoyni ogohlantirmoqda 

Germaniya kansleri Olaf Shols Xitoyga tashrifi chog‘ida Xitoy hukumatini sanksiyalarni chetlab o‘tmaslikka va Moskvaga qurol yetkazib bermaslikka chaqirdi. Aprel oyida AQSh moliya vaziri Janet Yyellen Xitoy kompaniyalariga tovarlarni Rossiyaga eksport qilganliklari uchun qattiq sanksiyalar bilan tahdid qilgan edi. 

Biroq, Xitoy Rossiyani qo‘llab-quvvatlamoqda. Bloomberg ma’lumotlariga ko‘ra, Pekin Moskvani harbiy maqsadlar uchun geofazoviy razvedka ma’lumotlari, shuningdek, harbiy sanoat uchun zarur bo‘lgan mikroelektronika, tanklar ishlab chiqarish uchun uskunalar va raketalar uchun yonilg‘i bilan ta’minlaydi.