Hisoblagichlarni qiyoslashdan o‘tkazish sohasiga xususiy sektor jalb qilinadi

Prezidentning “Xizmatlar sohasi barqaror rivojlanishi uchun qulay sharoitlar yaratishga oid qo‘shimcha chora-tadbirlar to‘g‘risida”gi qaroriga muvofiq akkreditatsiyadan o‘tgan tadbirkorlik sub’yektlariga hisoblagichlarni qiyoslashdan o‘tkazish vakolati berilgan.

Quyidagilar:

• tabiiy gaz hisoblagichlarini davriy qiyoslashdan o‘tkazish xizmatini ko‘rsatish qoidalari;
• elektr energiya hisoblagichlarini davriy qiyoslashdan o‘tkazish xizmatini ko‘rsatish qoidalari;
• ichimlik va issiq suv hisoblagichlarini davriy qiyoslashdan o‘tkazish xizmatini ko‘rsatish qoidalari tasdiqlanadi.

Belgilanishicha:

• hisoblagichlarni qiyoslashdan o‘tkazish xizmati muqobil tarzda amalga oshiriladi;  
• metrologiya sohasida barcha xizmatlarni markazlashgan ma’lumotlar bazasini shakllantirish va uning ochiqligini ta’minlash, shuningdek qiyoslash bayonnomalari va xulosalarini to‘liq elektron shaklda amalga oshirish maqsadida hisoblagichlarni qiyoslashdan o‘tkazish “Texnik tartibga solish” milliy axborot tizimi orqali amalga oshiriladi.

Belgilab qo‘yilishicha, Vazirlar Mahkamasi huzuridagi O‘zbekiston texnik jihatdan tartibga solish agentligi hisoblagichlarni qiyoslash faoliyati bilan shug‘ullanish uchun tegishli tartibda akkreditatsiyadan o‘tgan metrologiya xizmatlarini moliyaviy-xo‘jalik faoliyatiga aralashmagan holda hisoblagichlarni qiyoslashdan o‘tkazish faoliyatini masofaviy tarzda monitoring qiladi.