Farg‘onada maktab direktori o‘quvchi qizni dars vaqtida kaltakladi

Kun.uz'ga Farg‘ona viloyati Buvayda tumanidagi maktablardan birida 17 may kuni yuz bergan voqea aks etgan video kelib tushdi. Unda xorijiy tillarga ixtisoslashgan davlat umumta’lim muassasasining 7-sinf o‘quvchisi dars vaqtida maktab direktori tomonidan kaltaklangani ko‘rinadi.

Video davomida dars vaqtida sinfga maktab direktori kirib kelgan va qora ro‘mol (vandamka)da o‘tirgan qizdan bosh kiyimini yechishini talab qilgan, ammo bu talabga bo‘ysunmagach, direktor qizning oldiga borib, uni do‘pposlay ketgan.

Tahririyatga murojaat qilgan qizning otasi vaziyat yuzasidan chora ko‘rilishi kerakligini, o‘quvchi ayni vaqt maktabga chiqishni istamayotganini bildirdi.

Holat Farg‘ona viloyati maktabgacha va maktab ta’limi boshqarmasi tomonidan o‘rganilayotgani ma’lum qilindi. Jarayon yakuniga yetgach natijalari to‘g‘risida qo‘shimcha ma’lumotlar berilishi aytildi.