Ukrainada urushning 796-kuni o‘tdi. Asosiy ma’lumotlar:

• RF qo‘shini Odessa bo‘ylab raketa zarbasi yo‘lladi. Besh kishi halok bo‘lgan, kamida 25 kishi yaralangan.
• Telegram Ukraina razvedkasi va Ukraina xavfsizlik xizmatining chat-botlarini bir necha soatga blokladi.
• Latviya, Litva va Estoniya Rossiyani Boltiq dengizi hududida GPS signallarini o‘chirib qo‘yishda aybladi.
• Financial Times: Yevropaning yirik banklari 2023 yilda Rossiyada urushga qadar bo‘lganidan to‘rt barobar ko‘proq soliq to‘lagan.
• RF mudofaa vazirligi rossiyalik harbiylar Donetsk oblastidagi Semenovka aholi yashash punktini egallagani haqida xabar qildi.
• Ukraina inson huquqlari himoyasi bo‘yicha Yevropa konvensiyasidan «vaqtincha qisman chetga chiqqani» xabar qilindi.

Odessa bo‘ylab zarba oqibatlari

Rossiya qo‘shini 29 aprel kuni navbatdagi marta Odessa bo‘ylab raketa zarbasi yo‘lladi. Besh kishi halok bo‘lgan. 30 aprel tongidagi ma’lumotlarga ko‘ra, 25 kishi jarohatlangan. Sakkiz kishi − og‘ir ahvolda, ulardan to‘rt nafari − o‘ta og‘ir ahvolda, jumladan to‘rt yoshli qizcha ham, deb xabar bergan oblast ma’muriyati rahbari Oleg Kiper. Raketa bilan o‘qqa tutish oqibatida turar joylar va ma’muriy binolar shikastlangan. Odessa yuridik akademiyasining (Xalqaro gumanitar universitetning sobiq qabul uyi) talabalar saroyi binosi yonib ketgan, uni «Harri Potter qal’asi» deb ham atashardi.

Donbass shimolida Ukrainaning «Grad» tizimi

RF qurolli kuchlari Donetsk oblastida yurish qilishga urinishlarini davom ettirmoqda. Aprel oyi oxiriga kelib Rossiya qo‘shini Ocheretino yo‘nalishida front chizig‘ini yorib o‘tdi, bu esa Ukraina qurolli kuchlari Donbassning janubi va g‘arbida to‘liq mag‘lubiyatga uchrashiga olib kelishi mumkin. Ukraina qurolli kuchlari bosh qo‘mondoni Oleksandr Sirskiy 28 aprel kuni ukrain harbiylari qator yo‘nalishlarda chekingani, jumladan «Berdichi, Semenovka va Novomixaylovkadan g‘arbdagi marralarga ko‘chib o‘tgani»ni ma’lum qildi. RF mudofaa vazirligi 29 aprel kuni fevral oyidan buyon shiddatli janglar maydoni bo‘lgan Semenovka qishlog‘i to‘liq nazorat ostiga olinganini e’lon qildi. 

Ukraina qurolli kuchlarining amputatsiya qilingan faxriylari futbol o‘ynamoqda