2023 yilda O‘zbekiston yengil avtomobillar bozori hajmi 456 ming 347 donani tashkil etgan. Bu haqda prezident Shavkat Mirziyoyevning Jizzax viloyatiga tashrifi doirasida ADM Jizzakh avtomobil zavodida ko‘rsatilgan taqdimotda keltirib o‘tilgan.

Qayd etilishicha, o‘tgan yilda UzAuto Motors hissasiga 4 mlrd 852 mln dollarlik 369 ming 999 dona avtomobil, ADM Jizzakhʼga 823 mln dollarlik 25 ming dona avtomobil to‘g‘ri kelgan.

Shuningdek, 2023 yilda 291 mln dollarlik 8 ming 948 dona BYD avtomobili, 1 mlrd 197 mln dollarlik 50 ming 435 dona boshqa rusumdagi avtomobillar import qilingan.

Bundan tashqari, mamlakatda turli xil rusumdagi 1965 dona avtomobil ishlab chiqarilgan.