Haagadagi Rossiya elchixonasi joylashgan ko‘cha nomini Aleksey Navalniy ko‘chasiga o‘zgartirish to‘g‘risidagi petitsiya Niderlandiyaning «siyosiy poytaxti» meriga 4 aprel, payshanba kuni taqdim etildi. Ushbu yangilik yozilayotgan paytda murojaatga 85 584 kishi imzo chekkan. Muallif, niderlandiyalik Lissa Xolmanning so‘zlariga ko‘ra, bu jamiyat darajasida taqdim etilgan petitsiya uchun deyarli yigirma yillik rekorddir. 

Xolmanning DW nashriga aytishicha, ushbu ko‘chada RF elchixonasidan tashqari Norvegiya elchisining qarorgohi ham joylashgan. Norvegiya elchixonasi jamoat rasmiylari ko‘cha nomini o‘zgartirishga qaror qilsa, qarshi bo‘lmasligini bildirdi. Hozirda bu 17-asrda yashab o‘tgan siyosatchi, diplomat va Amsterdam meri Andris Biker ko‘chasidir.

«Yomonlikning g‘alabasi uchun yaxshi odamlarning harakatsizligi yetarli» 

Hujjatni Haaga meriyasida taqdim etishdan oldin shahar aholisi kichik ramziy aksiya o‘tkazdi, u ham Lissa Xolmann tashabbusi bilan tashkil etildi. Uning o‘zi Rossiyaga yoki siyosatga hech qanday aloqasi yo‘q, lekin hujjatli filmda Aleksey Navalniyning so‘zlari unda o‘chmas taassurot qoldirgan: «Yomonlikning g‘alabasi uchun yaxshi odamlarning harakatsizligi yetarli». 

«Rossiya hukumati Navalniy nomini o‘chirib tashlamoqchi. Bunga yo‘l qo‘yib bo‘lmaydi», - deydi faol. 

Uning eslashicha, Praga va Vashingtonda Rossiya elchixonalari yonida Boris Nemsov maydonlari paydo bo‘lgan, Vilnyusda Rossiya elchixonasi joylashgan ko‘chaga Ukraina Qahramonlari nomi berilgan. 

Haaga meri Yan van Zanen shahar meriyasida ko‘cha nomini o‘zgartirish tarafdorlari delegatsiyasini qabul qildi va shu kunning o‘zidayoq bu masalani shahar kengashi muhokamasiga olib chiqishga va’da berdi. U imzolar sonidan hayratda qoldi va bunday qadamni ramziy deb atadi, biroq turli davlatlar elchixonalari joylashgan shahar rahbari sifatida betarafligini esga oldi.