Toshkentda ichimlik suvni rejali o‘chirish jadvali e’lon qilindi

«Toshkent shahar suv ta’minoti» poytaxtda sovuq suv jadval bo‘yicha vaqtincha o‘chirilishini e’lon qildi.

Ma’lum qilinishicha, 2024 yil bahor-yoz mavsumiga tayyorgarlik bo‘yicha katta hajmli suv o‘tkazgich tarmoqlarida rejali profilaktika-ta’mirlash ishlari olib boriladi. Shu munosabat bilan ichimlik suvi bosimi pasaytiriladi yoki vaqtincha to‘xtatiladi.

Tumanlarda suvni o‘chirish 15 apreldan boshlanib, 20 mayga qadar davom etadi. Muayyan bir hududda suv qariyb ikki kun davomida bo‘lmaydi.

Quyida havolalarda ichimlik suvi to‘xtatiladigan manzillar va o‘chish vaqti keltiriladi:

• Mirzo Ulug‘bek tumani (15 apreldan)
• Uchtepa tumani (15 apreldan)
• Yakkasaroy tumani (17 apreldan)
• Shayxontohur tumani (17 apreldan)
• Yashnobod tumani (16 apreldan)
• Olmazor tumani (17 apreldan)
• Chilonzor tumani (25−26 aprel va 7–8 may)
• Sergeli tumani (18 apreldan)
• Yangihayot tumani (18 apreldan)
• Mirobod tumani (30 apreldan)
• Yunusobod tumani (15 apreldan).