Italiya A Seriyasi 28-turiga kelib Eldor Shomurodov mavsumdagi dastlabki gollarini urdi.

«Kalyari»ning «Salernitana»ga qarshi o‘yinida Raneri 2-bo‘lim boshida Eldor Shomurodovni zaxiradan maydonga tushirdi. Yaqinda jarohatidan tuzalib qaytgan o‘zbekistonlik hujumchi 56 va 76-daqiqalarda gol urib, dubli evaziga «Kalyari»ga muhim g‘alabani keltirdi – 4:2. Bu uning Sardiniya jamoasi safidagi dastlabki gollari bo‘ldi.

Shu tariqa, Shomurodovning gollari evaziga «Kalyari» ochkolari sonini 26taga yetkazib, 19-o‘rindan 13-o‘ringa ko‘tarildi. «Salernitana» esa 14 ochko bilan so‘nggi o‘rinda bormoqda.

A Seriya. 28-tur
Kalyari – Salernitana 4:2
Gollar: 1:0 – 12 Lapadula, 2:0 – 40 Gaetano, 3:0 – 51 Shomurodov, 3:1 – 56 Kastanos, 3:2 – 58 Madjore, 4:2 – 76 Shomurodov.
Kalyari – Skuffet, Dzappa, Mina, Dossena, Audjyello, Veteska, Nandes (Viola, 66), Yankto (Atssi, 66), Deyola, Makumbu, Gaetano (Eldor Shomurodov, 46), Lapadula (Oristanio, 66).
Salernitana – Ochoa, Dzanoli (Sambiya, 74), Fasio, Manolas (Pirola, 46), Bradarich, Bashich, Kandreva, Kastanos, Kulibali (Gomis, 74), Madjore, Tshauna, Veysman (Nvankvo, 65).