Qarorga ko‘ra, zakot nisobi 40 mln so‘m etib belgilandi. Ya’ni kimda zarur ehtiyojidan tashqari 40 mln so‘m va undan ortiq pul mablag‘i yoki ushbu qiymatdagi savdo-tijorat moli bo‘lsa, jami mablag‘ining qirqdan birini (2,5 foizi) zakot niyatida haqdorlarga beradi. 

Fitr sadaqasining miqdori quyidagicha belgilandi:

- bug‘doydan  – 14 ming so‘m;

- arpadan  – 20 ming so‘m;

- mayizdan  – 110 ming so‘m;

- xurmodan  – 180 ming so‘m. 

Qayd qilinishicha, har kim o‘z imkoniyatiga qarab ushbu to‘rt mahsulotning xohlagan bir turidan fitr sadaqasini berishi mumkin. 

Ta’kidlanishicha, fidya miqdori fitr sadaqasining miqdori bilan bir xil bo‘ladi. Har kim o‘z imkoniyatiga qarab, ushbu to‘rt mahsulotning xohlagan bir turidan fidya miqdorini ajratishi kifoya qiladi.