Eldor Shomurodov «Kalyari» jamoasining umumiy mashg‘ulotlariga qaytdi.
TuttoSagliari nashri xabariga ko‘ra, o‘zbekistonlik 28 yoshli hujumchi seshanba kunidan boshlab «Kalyari» jamoasining umumiy guruhida shug‘ullanishni boshlagan. U ikki oy vaqtni jarohatdan tiklanish uchun sarflagani bois, bungacha yakka tartibda shug‘ullanayotgan edi.
«Shomurodov yakshanba kuni «Empoli»ga qarshi safarda o‘tadigan o‘yin qaydnomasidan joy olish uchun faol mashg‘ulot olib bormoqda», - deyiladi manbada.
Eldor dekabr oyida olgan jarohati sababli Osiyo kubogi-2023 turnirini o‘tkazib yuborgandi.
Eslatib o‘tamiz, Eldor 19 dekabr kuni Rimda tovonidan operatsiya qilingandi. Shifokorlar hujumchining jarohatdan tiklanib safga qaytishi uchun kamida 1,5 oy vaqt talab etilishi haqida ma’lum qilishgandi.