Turkmanistonning ommabop SalamNews axborot portalida «2023 yilda Turkmaniston va O‘zbekiston savdo aylanmasi 1 milliard AQSh dollaridan oshdi» sarlavhali maqola e’lon qilindi.
Axborot portalining O‘zbekiston Statistika agentligi ma’lumotlariga tayanib yozishicha, 2023 yilda ikki mamlakat o‘rtasidagi tovar ayirboshlash hajmi 1 milliard dollardan oshgan. Ushbu ko‘rsatkich 2017 yildagi tovar ayirboshlash hajmidan besh baravar ko‘proqdir.
«Turkmaniston O‘zbekistonning savdo hamkorlari orasida oltinchi o‘rinni egallaydi», - deyiladi maqolada.
Qayd etilishicha, Ashxobod va Toshkent Turkmanistonning Toshhovuz viloyati va O‘zbekistonning Xorazm viloyatiga tutash hududni qamrab oladigan transchegaraviy savdo zonasini yaratishga kelishib olgan.
