Qoraqalpog‘istonning qator tumanlari vaqtincha elektrsiz qoldi

Nosozlik tufayli 15 mingga yaqin aholi elektr ta’minotidan uzildi.

Foto: Kun.uz

10 fevral kuni kechqurun Qoraqalpog‘iston Respublikasidagi 110 kV kuchlanishli «L-Nukus-2» elektr uzatish tarmog‘ida nosozlik yuzaga keldi. Bu haqda Energetika vazirligi xabar berdi.

Qayd qilinishicha, oqibatda Nukus shahri, Chimboy, Taxtako‘pir, Bo‘zatov, Kegeyli va Nukus tumanlari iste’molchilari (14 ming 500 ta) qisman elektr ta’minotidan uzilgan.

Maxsus brigada tomonidan nosozlikni bartaraf etish ishlari olib borilmoqda. Shuningdek, iste’molchilarni boshqa manbalar orqali elektr energiyasi bilan ta’minlash choralari ko‘rilyapti.

Ta’kidlanishicha, qisqa vaqt ichida ushbu hudud iste’molchilarining elektr ta’minoti qayta tiklanishi uchun choralar ko‘rilmoqda.